طوّل غيابكْ ما عرفنا خفاياك

نوبٍ تروح ونوبٍ تبينا

الهاجس اللي هزّني يوم فرقاك

ما هز قلبك يوم حِنّا انتهينا

عذَبتني يا قاسيَ القلب وياك

حبك شقاية و الجِفا مبتلينا

وش فايدة قلب يحبك و يهواك

لا صار قلبك قاسياً ما يلينا

يا ما سهرت الليل معْ طيف ذكراك

احس في طيفك يروح و يجينا

ارسم خيالك فوق طَلّة محياك

شمس الصباح اللي علينا تبينا

اشفق على قربك و شوفك و لقياك

و اذكر مكانك يوم حِنّا التقينا

حتى مكانك كاتبن فيه ذكراك

ياما ضحكنا فيه و ياما بكينا

و اليوم راجعٍ تعترف في خطاياك

ليه الهجر ما دام حِنّا وفينا

ضاعت حياتي بين صدّك و رجواك

و ضاعت حياتك يوم راحت علينا

مثل الغريق اللي على حوض الأدراك

حِنّا غرقنا بالهوى ما نجينا

هذي سِواتِك من يسوي سِواياك

يا خاين العشرة ترانا سلينا

خلاص هانت كلّها أيام و أنساك

حبٍ جديد غير حبك لقينا

مات الخفوق اللي يهوجس بطرواك

مرحومْ يا حبٍ توفى حزينا

مشكور على الموضوع

ابـــــــــــوفيصل

عودتنا على البحث عن قلمك ,,,

و عودتنا ان نجد كلمات عذبه ,,,

وابيات جزله ,,,و رائعه ,,,,

في كل مره نجد بها بوحكـ و همسك ,,

لك حضورك الافت ,,,

و ابداعك النادر ,,,

فتقبل مني كل التقدير والاحترام ,,,

اختك /
طموحه

كلمات جيدة نتظر من الجديد والافضل

لك من تحياتي

صح لسانك وقلمك

يعطيك الف عافيه

تحياتي

يعطيك الف الف الف عااااافية على ابداعك
وانا في انتظار جديدك
مع خالص تحياااااتي
نونا الامورة